የአጋች ታጋች ድራማ በአወልያ፡፡

የአጋች ታጋች ድራማ በአወልያ፡፡

by: Hasen Safewan
ቀኑ ጁመዓ ነው፡፡ የእለት ጉርሴን ፍለጋ ቀኑን ሙሉ የደከመውን አካሌን ለማሳረፍ ወደ ቤቴ ከማምራቴ በፊት የአወሊያ መስጊድ የአዛን ጥሪን ሰምቼ የኢሻ ሰላቴን ለመስገድ ወደ መስጊድ አቀናሁ የአዛን ጥሪውን ያደረገው ሙአዚን ለሰላት እንድንዘጋጅ ኢቃም አድርጐ እንዳበቃ የመስጊዱ ኢማም የኢሻ ሰላት ማሰገድ ጀመሩ ሰላቱ ተሰግዶ እንዳበቃ እጅግ በጣም ጥቂት የሚባሉት ከመስጊድ ወጥተው እንደሄዱ የሱና ሰላቴን ሰግጄ ዱዓ በማድረግ ላይ ሳለሁ የመስጊዱ ዙሪያ በፌዴራል ፖሊስ እንደተከበበ ሹክሹክታ ተሰማ፡፡ ሙሰሊሙ እዚህ ግባ የማይባል የመብት ጥያቄ ማቅረብ ከጀመረ ጊዜ አንስቶ በየመስጊዱ የሚደርስበትን ወከባ ማየት የተለመደ ስለሆነ በሰዓቱ ለነገሩ ክብደት አልሰጠሁትም ነበር፡፡

በሥራ የዛለው ሰውነቴን ለማሳረፍ ወደ ቤቴ ለማቅናት ብሞክርም የመውጫ በሮቹ በፖሊስ ታጥረው ኖሮ በሂሊኮኘተር ካልሆነ በመስጊዱ በሮች መውጣት የማይማከር ነበር፡፡ ለማንኛውም የሚመጣው ነገር አይታወቅም ብዬ የሞባይል ስልኬን በተኖች ተጭኜ ለቤተሰቦቼ የተከሰተውን ሁኔታ ነገርኩ፡፡ መስጊዱ ውስጥ የነበረውም ጀመግ የውጭው ሁኔታ ስላላማረው ወንዱም ሴቱም መስጊድ ውስጥ ገብቶ ወደ አላህ ማልቀሱን ተያያዘው፡፡ ከተወሰኑ ደቂቃዋች በኋላ ፌዴራል ፖሊሶቹ የመስጊዶቹን መግቢያ በር በሚያስደነግጥ ሁኔታ ሲደበድቡ እነሱንም ሌላ ኃይል ከውጭ አባሯቸው ለማምለጥ የሚያደርጉት የነፍስ አድን ሩጫ መስሎኝ ነበር ፡፡ ብዙም ሳይቆይ የመስጊዶቹን የዙሪያ መስኮቶች አርግፈው ወደ ውስጥ አስለቃሽ ጭስ ከለቀቁ በኋላ ለድፍረት ከጡጠት ኮረፊና ከነሙሉ ትጥቃቸው ወደ መስጊዱ ዘልቀው በመግባት ከአላህ ቃል ሌላ በእጁ ምንም ነገር ያልዛውንና አላህን ለመገዛት በሰላም መስጉድ ውስጥ የተቀመጠውን ሙስሊም እንዳይነቃነት ትዕዛዝ ካስተላለፉ በኋላ በያዙት እህል ውሐ በማያሰኝ ዱላ መቀጥቀጥ ያዙ፡፡ የቻለው እግሩ ወደ መራው ቦታ እየሮጠ መስጊዱ ውስጥ ሲሽከረከር የተቀረው የኋላውን በር በርግዶ ሲያመልጥ በመጨረሻም የመስጊዱ መስኮቶች ረግፈው ሚንበሩ እንዳልነበረ ሆኖ መስጊዱ ውስጥ የቀረነውን ቀበቶዋችንን እንድንፈታና ሞባይላችንን አዘጋጅተው ባመጡት ማዳበሪያ ውስጥ እንድንከት ተገደን አካላችንንም ንብረታችንንም በቁጥጥራቸው ሥር አዋሉት፡፡ ይህን ስል የሞባይሉን ነገር ሳላነሳው አላልፍም፡፡ ከንብረት አስረክቡ ትዕዛዝ ውስጥ በዋነኛነት የሚፈለገው የሞባይል ቀፎ መሆኑን የተረዳሁት ሞባይላችንን ስንሰጥ የነበረው የሞባይል ዘረፋ ብለው ይቀለኛል ትዕኝንት ነው፡፡ ምን ይሄ ብቻ ለጸደቃ ተብሎ የተዘጋጀውን ሥጋ ሲቪል ለብሰው ተቀላቅለው በገቡ ቅጥረኞችና በተረኛ ጥበቃው መሪነት የነበሩትን ምግቦች ከተቀመጡበት ቦታ ሰብስበው ሲወስዱ በሕይወት ከነበሩት በሪዎች ውስጥ አንዱ እደለኛ አልነበረምና በጥይት ተመቶ ሕይወቱ አልፏል፡፡ ምግቡን ለማዘጋጀት ደፋ ቀና ሲል የነበሩት እናቶቻችን ስጋና ሽንኩር ሲከትፉበት የነበረውን ቢላ በዱላ ሰውነታቸው የዘላውን ወንድሞቻችንን በግዳጅ አስይዘውን አሸባሪ ነኝ ሁለተኛ አይለመደኝም አስብለው በቪድዮ ቀርጸዋቸዋል፡፡ በነጋታዡ የተለያዩ መሳሪያዎችን አወሊያ ጊቢ ውስጥ አስገብትው ማሳሪያ እንደተያዘ አድርገው ለማቅረብ ጥድፊያ ላይ ናቸው፡፡ ሽንኩርትና ሥጋ በክላሽ አይከተፍ፡፡ ማሳሪያ በእጃችን ቢኖር የፌዴራል ፖሊሶቹ ያ ሁሉ ዱላ ያለምንም ርህራሄ ሲያዘንቡብን አንድ የፌዴራል ፖሊስ ሳይጫር የአጋች ታጋች ድራማው ይጠናቀቅ ነበር እንዴ) ሲጀመር እኛ ትግላችን ሰላማዊ በመሆኑ መሳሪያ የማግኘት ሐሳቡም አቅሙም ፈጽሞ የለንም፡፡ እንዳይሞቱ በደራሱው የተፈቀደላቸው የአሜሪካን የፊል አክተሮች እንካን በሚሰሩት ፊልም ለሕይወት የሚያሰጋ አደጋ ይገጥማቸዋል፡፡ እና የኛዎቹ ፌዴራሎች ሸዋዚንገር ናቸው ወይስ ራምቦ ማሳሪያ ከያዘ ሕዝብ ጋር ጠብ ጀምረው አንድም ፖሊስ ሳይጐዳባቸው በድል የሚያጠናቅቁት፡፡ ደግማ ለአንድ የደቡብ ፖሊስ ጦስ እንዳልሆንበት የተጐዳ ፖሊስ አለ ብለው ማስረጃ ለማቅረብ ቀጥቅጠው የዶክመንቴሪ ፊልሙ ማድመቂያ እንዳያደርጉት፡፡ በመስጊዱ ውስጥ በጥይት የተገደው በሬም ማሳሪያ ይዞ በመገኘቱ ነው ብለው በኢቲቪ በሚያቀርቡት የተለመደው አይን ያወጣ የቅጥፈት ዶክመንተሪ ፊልም ላይ ማየታችን አይቀርም፡፡
መላው የኢትዮጵያ ሕዝም ሆነ መንግስት ጠንቅቆ እንደሚያውቀው ጥያቄያችን በጣም ቀላልና የፖለቲካ ጥያቄ አለመሆኑን የተረዳሁት በሥፍራው የነበሩ አንዳንድ የፖሊስ አባላት በግርግሩ መሐል ከሚያወጣቸው የተደበላለቁ ቃላት ነው፡፡ አንዳንዶቹ እንዳትመቷቸው እያሉ ሲጦሁ ሌላኛው ጺም ያሳደጉትን አጥብቃችሁ ያዙ ሲል የሌላው እምነት ተከታይ የሚያበቅለው የጽድቅ ጺም ሙስሊሙ የሚያበቅለው የሽብር ጺም ተደርጐ መወሰዱ እጁጉን አሳዘነኝ፡፡ የጺሙ ጉድማ መች በዚህ አበቃ በአንዋር መስጊድ ቅዳሜ ቀን በተደረገው ሰላማዊ የመብት ጥያቄ ደህንነቶቹ ፊታቸውን ሸፍነው ከባድ አመጽ እንደሚካሄድ አስመስለው የፖሊስ ኘሮግራም ማድመቂያ ኣድርገው ሰላት ለመስገዱ የገቡ ሙስሊም ወንድሞቻችንን ጺም ስላሳደጉ ብቻ ታፍሰው ተወስደዋል፡፡ እንደው ማሸበር፣ አደጋ ማድረስ ቢፈለግ እራስን አጋልጣ ነው እንዴ) ሊበላት ያሰባትን አማራ ችግራ ናት ይላታል ካልሆነ በስተቀር፡፡ ከመስጊድ ወጥተን ወደ ተዘጋጀልን ካሚዮን ሲወስዱን ከአጠገቢ የነበረው አንድ ፖሊስ አይዛችሁ ይህንን ሁሉ በደላችሁን እግዛብሄር ያያል ሲለኝ በአውንታ እራሴን ከመነቅነቅና በእንባ ከመታጠብ ውል በዱላ የዛለው አካሌ በቂ መልስ ለመስጠት ተስኖት ነበር፡፡ ለአንድነት ሰደቃው ምግብ ለመሥራተ ደፋ ቀና ሲሉ የነበሩት እናቶቻችንና እህቶቻችን ላይ ሲደርስ የነበረው ስቃይ እነሱን ሴት የወላቸው አይመስልም ነበር፡፡ ወደ ተዘጋጀልን መኪና አምርተን በአንድ ካሚዩን ከሁለት መቶ በላይ ሰው እርስ በራሳችን ደራርበው አንገታችንን ወደ ታች እንድናቀረቅር ትዕዛዝ አስተላልፈው ካጐሩን በኋላ ትንፋሽ አጥሮት ትንፋሽ ለመውሰድ ቀና የሚል ከተገኘ አናቱ ላይ ለሚያርፈው የፌዴራል ዱላ እራሱን ማዘጋጀት የግድ ነበር፡፡ አሰቃሲው ጉዞ ተጀምሮ ትንሽ እንደተጓዝን ከየአቅጣጫው አላሁ አክበር የሚል ጽምስ ስንሰማ ሕዝቡ ከቤት እንደወጣ ብናውቅም በውጭ የነበረውን ትዕይነት መመልከት እንዳንችል የፌዴራሉ ዱላና የተኩሱ እሩምታ ጋሬጣ ሆኑብን፡፡ መቼም እንዳይደርስ የለ ከረዠም አሰልቺ ጉዞ በኋላ ወደ ተዘጋጀልን የድቄት መጋዘን ስንደርስ ውረዱ የሚል ትዖዛዝ ሲመጣ አየር ለመሳብ ያልተጣደፈ አልነበረም፡፡ ከነበረው ሩቅና አስልዊ ጉዞ ሁላችንም ሸዋ ሮቢት የወሰዱን መስሎን ነበር፡፡ ለካ ያ ሁሉ ጉዞ ኮልፌ የፖሊሶች ማሰልጠኛ ፈጥኖ ነበር፡፡ ዱቄት በተከማቸበት መጋዘን ውስጥ እንደገባን ሰላማዊ አየር በማግኘታችን ለታላቆ አላህ ምስጋናችንን ከማቅረብ አልቦዘንም፡፡ በቀጣዩ ቀን የነበረው ወሎአችን በአብዛኛው ቃል በመስጠትና በመቀበል ላይ ያተኮረ ነበር፡፡ ቃል የሚቀበሉት ፖሊሶች በሶት ቡድን ተከፍለው ቃላችንን ለመቀበል ከተዘጋጁና የቪድዮ ካሜራቸውን ከወደሩ በኋላ እንደ እጣ ፈንታችን አንድ በአንድ እየተጠራን ቃል ለመስጠት ገባን፡፡ ቃል ተቀባይ መርማሪዎቹ ከሚጠይቁት ጥያቄ መረዳት እንደቻልኩት የተፈለገው ሰደቃውን ያዘጋጁት ኮሚቴዎቹ ናቸው እንድንል ሲላቸው በማግባባት አልሆንላቸው ሲል በማስፈራራት ኮሚቴዎቹን የሚወንጅል ቃል በመዝገቡ ላይ ለማስፈርና በካሜራ ለመቅረጽ ያላደረጉት ጥረት አልነበረም፡፡ በእርግጥ የዚህ ዓይነት መንፈስ የነበረው በሁሉም መርማሪዎች ሳይሆን በጥቂቶቹ ላይ ነበር፡፡ በቅዳሜው ሰላማዊ የመብት ጥያቄ ወደ ሰንዳፋ የወሰዳቸውን ሙሰሊም ወንድሞቻችንን ጥፋተኛ ነኝ ያለው እየተለቀቀ ጥፋተኛ አይደለሁም የሚል ካለ ሸዋ ሮቢት እንደሚላክ ማስፈራሪያ እየተሰጠው ባዘጋጁት ካሜራ እየቀረጹ እንደለቀቁ የገፈቱ ቀማሽ የነበረ የአኼራ ወንድሜ አጫወተኝ፡፡ በውሸት ሰውን ለመወንጀል ማስረጃ ለመሰብሰብ ከመድከም ይልቅ ሀቁን ለማወቅ ቢደክሙ ኖሮ መንግስትንም እያገለገሉትን ያለውን ፓርቲ ከመንኮተኮት በታደጉት ነበር፡፡

የውጭው ትእይንት
በውጭ የነበረውን ትዕይንት የእኔን መታገት ሰምተው ወደ አወሊያ ከመጡት ቤተሰቦቼ ክፉኛ ድብደባ የደረሰበት ወንድሜ የነበረውን ትዕይንት ሲነግረኝ እኛ ላይ የደረሰው ድብደባ የተመራቂ ፖሊሶቹን ዱላ ማሟሻ መሆኑን ተረዳሁ፡፡ ቁጥሩ እጅግ ከፍተኛ የሆነ ሙሰሊሙ የወንዶሞቹን የድረሱልኝ ጥሪ ሰምቶ እጅና እግሩን ይዞ በድንጋጤ ወደ አወሊያ በተመመበት ወቅት መንገድ ላይ የጠበቀው ጭለማን ተገን አድገው የመሸጉ የፌዴራል ፖሊስች ርህራሄ ያልተሞላበት ዱላና አስለቃሽ ጭስ ነበር፡፡ በጣይ የሚገርመው በአካባቢው የነበሩና በሁኔታው የተዳነገጡ የሌላ እምነት ተከታዮች የሁኔታውን ምንንት ለማወቅ ፖሊሶቹን ሲጠይቁ ከአንዳንዱ ፖሊሶች ይሰጥ የነበረው ምላሽ ሙስሊሞቹ ክርስቲያኖቹን እየጨፈጨፉ ነው ውጡና አግዙን ሲሉ በአካባቢው የሚኖሩ የሌላ እምነት ተከታዮች ለፖሊሶቹ ሲሰጡት የነበረው አጻፋዊ ምላሽ በድብደባው የተጐዱትን ሙሰሊሞች ቤታቸው አስገብተው በመሸሸግና በማዳን ለሕዝብ እልቂት ምንም ደንታ የሌላቸው ክፉ ኣሳቢዎችን ሰንካላ ፍላጐት ማክሸፍ ነበር፡፡ በምሽቱ ሙስሊሞቹ ላይ ሲያርፍ የነበረው ዱላ አህባሽ፣ሰለፊያ፣ሱፍያ፣ወሐብያ ብሎ ሳይለይ ወደ አወሊያ በተመመው ሕዝብ ላይ ነበር፡፡ ልብ ያለህ ልብ በል፡፡


መጪው ግዜ ረመዳን ነው ~~~~~~~~~~~~~~^~~~~~~~~~~~~~~~~~~~~~ሁላችንም በያለንበት ዱአ እናድርግ ~~~~~~~~~~~~~~~~~~~~~~~~~~~~~~~~~~~ ~ ያ አላህ የኛን ጉዳይ ለማን ትተውብናለህ ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ ¤¤ እባክህን እርዳን ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ ¤¤¤¤¤¤¤ እኛ ደካሞች ነን ~~~~~~~~~~~~~~~~~~~~~~~~~~~~~~~~~~~~~ ሁሌም ጭንቀታችን ና ሀዘናችንን የምናሰማው ለአንዱ ፈጣሪያችን ላንት ብቻ ነው !!!!!!!!!!!!!!!!!!!!!!!!!!

by: Hasen Safewan